Thursday, September 17, 2009
Monday, July 27, 2009
Ek verwelkom die gedenkmuur by die Voortrekkermonument
'n Aantal jare was daar groot omstedenheid toe die ANC sy sogenaamde "Vryheidspark" in Pretoria opgerig het. Die Vryheidspark se muur van herinnering het die ANC se "helde" van sy sogenaamde vryheidsstryd gedenk.
Hierdie sogenaamde helde was uiteraard niks van die aard nie. In werklikheid was hulle 'n besmetting van boewe, terreursaaiers en kriminele skuim; moordenaars van onskuldige mense wat nie eens een vierkante sentimeter grondgebied militêr kon bevry nie . Op die ANC se muur van herinnering is daar ook die name van Kubaanse aggressors, wat hul bewind se Marxistiese ideologie op Afrika wou kom afdwing het. Daar was kennelik diegene wat ontsteld was omdat gestorwe blanke soldate en dienspligtiges se name nie ook op die ANC se skandmuur sou verskyn nie.
Ek was nie een van hulle nie.
Ek het inteendeel die besluit van die ANC heelhartig gesteun. Dit sou vir my as voormalige dienspligtige 'n uiterste klap in die gesig gewees het om op enige manier geassosieer te word met die ANC se sogenaamde helde. Dit sou 'n onreg teenoor my gevalle mede-soldate gewees het om 'n muur te moes deel met die ANC se sogenaamde helde.
Ek verwelkom daarom met groot blydskap die besluit om 'n muur van herinnering by die Voortrekkermonument op te rig. Anders as Beeld, wat steeds die uitgediende evangelie van 'n sogenaamde reënboognasie probeer predik. Beeld is opgeklits omdat daar nou twee mure is, maar dit spreek slegs van hoe uit voeling Naspers met die werklikheid is.
Die twee mure se simboliek strek uiteraard veel verder as blote aparte monumente aan enersyds soldate en andersyds die plaag wat eersgenoemde moes beheer. Dit spreek ook luidkeels van die volslae mislukking van die reënboognasie, 'n links-liberale versugting na iets wat fundamenteel onwerkbaar en gedoem was. Die simboliek van die Voortrekkermonument is insgelyks diepgaande.
Ek meen dat die ANC, interessant genoeg, geen beswaar sou hê teen die aparte gedenkmure nie. Dit is 'n voldonge feit dat die ANC steeds Thabo Mbeki se twee-nasies siening aankleef. Tweedeklasburgerskap vir blankes, en die gevolglike skeiding van Suid-Afrika in ten minste twee volke, swart aan die een kant en Afrikaners en ander blankes aan die ander kant, is inderdaad ANC-beleid. Praktyke soos regstellende aksie, die veldtog teen Afrikaanse skole en kultuur en die uitwissing van blankes se geskiedenis is 'n blote vergestalting van hierdie ideologie.
Die aparte gedenkmuur by die Voortrekkermonument is derhalwe 'n baie welkome verwikkeling, 'n terugkeer na realisme oor die wenslikheid van skeiding tussen volke. Mag dit die voorspel wees tot selfs 'n groter skeiding tussen die volke wat die geografiese streek Suid-Afrika bewoon.
Sunday, July 26, 2009
Steve en die jeukkoekies
Steve het dus nóg 'n skelmpie, aldus Rapport. Groot verrassing. Steve word allerweë voorgehou as die alleenskurk in die verhaal, die sanger wie se penis hom pla, iets wat ek kennelik nogal vreemd vind.
Want sien, Steve se huwelik met Natasha was alombekend. Die "onskuldige slagoffers" van Steve se owerspelige gewoontes en gedrag kan kwalik kenne wil gee dat hulle nie geweet het van hetsy Steve se verhoudingsstatus nie, hetsy Steve se reputasie nie.
Laas toe ek gekyk het, was seks iets wat twee mense ingesluit het. 'n Gewer en 'n ontvanger, as't ware. Steve se skelmpies in Kaapstad, Bethal en Gott-weet-waar-nog, kan kwalik te kenne wil gee dat hulle nie van Steve se reputasie of sy verhoudingsstatus bewus was nie. Hulle was kortom nie blosende maagde wat deur die bose mnr Hofmeyr verlei is nie. Hulle was gewillige deelnemers wat hulle beentjies soos grondboontjiebotter gesprei het.
Daar is 'n legio ander mense wat hulself ook skuldig maak dieselfde soort gedrag; aan owerspel en 'n verneukery. Die verskil tussen hulle en Steve is bloot dat laasgenoemde bekend of berug is. Die kantoor-gigolo en die kantoorslet wat by jou kantoor werk, is toevallig nie bekendes nie. Sonde is egter sonde, of jy nou bekend is of nie.
Dat Steve se penis jeuk, is geen geheim nie. Dat die groupies wat daarvoor val, se koekies jeuk vir bekende mans, hoort insgelyks nie 'n geheim te wees nie. Dis egter geensins meer nuuswaardig nie. Dis vinnig besig om banaal en vervelig te raak. Rapport is vinnig besig om in 'n poniekoerant te ontaard, want ek is bereid om te wed dat daar vir die volgende 52 weke genoeg jeukkoekies is, 'n spreekwoordelike pomp op elke dorp, wat almal gewilliglik deur Steve gediens is. Waarom ek daaroor wil lees as die hoofberig, terwyl Suid-Afrika se townships brand, weet slegs me Albrecht.
Sunday, July 19, 2009
Geweldige ironie
Ten minste 9 mense is dood en verskeie beseer in 'n bomaanval in Jakarta. Die Indonesiese president Yudoyonho beskryf die aanvallers as "verspreiders van die dood."
Die ironie is gesetel in die feit dat die aanval plaasgevind het die dag voor die internasionale viering van nog 'n verspreider van die dood se verjaardag.
Die bomaanvallers het hul met hul daad 'n baie gepaste verjaardaggeskenk gelewer, al was dit nie so beplan nie.
Tog is dit snaaks hoe die aanvallers in Jakarta allerweë vir misdadigers aangesien word, maar andersyds word die persoon wat die aanval hieronder goedgekeur het, vir 'n sogenaamde held aangesien. Hy was inderdaad 'n stigterslid van die organisasie verantwoordelik vir die pragtige en opbeurende tonele hieronder. Ek skree sommer spontaan "viva!"
Ek was daardie middag in die tekenlokaal van die Universiteit van Pretoria se ingenieursfakulteit en het die bom gehoor afgaan, al is die universiteit 'n goeie paar kilometer van die middestad af.
Ek sal inderdaad op die 18de Julie dink aan die verspreider van die dood verantwoordelik vir die tonele hieronder, maar ek twyfel of die gedagtes enigsins van 'n positiewe aard sal wees. Ek sal stellig nie meegevoer word deur die kultus van die verering van die anti-held nie.
Wednesday, July 15, 2009
Hoe nou, Sadou?
Die Natalse tak van die Suid-Afrikaanse Demokratiese Onderwysers-Unie, Sadou, kla oor hoe eksamenantwoordstelle nagesien word. (Is dit nie terloops interessant hoe menige lande en organisasies met "Demokraties" in hulle name juis niks van die aard is nie? Sadou is 'n gawe versameling Staliniste, en so ook was die Duitse Demokratiese Republiek allermins demokraties.) Volgens Sadou word nie-moedertaalsprekers van Engels glo benadeel deur die wyse waarop antwoordstelle nagesien word. Sadou se lede is uiteraard die einste onderwysers wat skoolhou vir juis diegene– swart leerlinge en hulle ouers – wat ten alle koste aandring daarop om in Engels onderrig te word. Die Hoërskool Ermelo verkeer byvoorbeeld nie onder druk om klasse in plaaslike tale – Zoeloe of Tswana – aan te bied nie. Nee, dit móét Engels wees. Die resultaat is voorspelbaar. Die Zoeloesprekende skoolkind sit op die skoolbank en word uit 'n Engelse handboek onderrig in wiskunde of biologie. Die onderrig word verskaf deur 'n onderwyser wat Engels probeer praat, maar eintlik self 'n Zoeloe is en wie se taalvaardigheid in Engels swak is. Nóg die skoolkind, nóg die onderwyser verstaan hetsy Engels op 'n aanvaarbare vlak, hetsy begryp hulle alles wat in die handboeke in Engels gekryf is. Die kinders gaan skryf dan hul eksamens, ook in Engels, en druip soos vlieë. Sadou se lede is nie net die kluts met Engels kwyt nie, maar gaan soek ook die blaam vir swak prestasies op die verkeerde plek. Die leerlinge se swak prestasie word summier toegeskryf aan die nasieners, wat glo eers die Engels wat die leerling probeer besig beoordeel, en dan eers na die vakkundige inhoud van die antwoordstel kyk. Die driedubbele mededingende nadeel –'n onderwyser wat nie eintlik Engels kan praat nie, 'n leerling wat nie die Engels in die handboek ordentlik kan lees nie en dan in Engels eksamen moet skryf, word egter totaal en al deur Sadou geïgnoreer. 'n Voor-die-hand-liggende oplossing vir swak prestasie sou logieserwys insluit om a) handboeke in die moedertaal van die leerlinge op te stel, b) vir die leerlinge om onderrig in hulle moedertaal te ontvang, en c) om die eksamen ook in hulle moedertaal te skryf. Daar is sowat vier keer meer Zoeloes as Afrikaners en dus regverdig hul getalle al die bostaande stappe. Luister is egter min. Dit móét teen wil en dank Engels wees, al lei die gebruik van Engels regstreeks daartoe dat 'n groot aantal leerlinge druip. In die Marxistiese onderwysvakbondlid, asook die leerlinge en hul ouers, se koppe is dit egter beter om in te Engels druip as om in Zoeloe deur te kom. |
Monday, July 13, 2009
Viva RICA!
Nodeloos om te sê was dit ‘n gesteelde tjek wat in my rekening betaal is en is ek my rekenaar kwyt. Ek het wel sy kar se registrasienommer vir die onbelangstellende polisieman gegee, maar dit was skrale troos. Die getransformeerde polisiemag is groter skelms as die kriminele sonder uniforms deesdae en niks het daarvan gekom nie. Ek twyfel of die polisieman aan wie ek dit gegee het, self kon lees of skryf.
Die dief het ‘n pay-as-you-go selfoonnommer gebruik om my te bel om die afspraak te maak. Dit ly geen twyfel nie dat sulke voorafbetaalde selfoonnommers ‘n geweldige groot rol speel in misdaad soos dié wat my getref het. Ek is daarom ‘n groot voorstander van die RICA wetgewing, dié wat mense gaan verplig om ‘n woonadres en ID-nommer te verskaf wanneer hulle ‘n voorafbetaalde selfoonkaart wil koop.
Heel voorspelbaar is die selfoonmaatskappye nie juis entoesiasties hieroor nie. Dit sal nie net moeitevol vir hulle wees nie, maar ook verhoed dat hulle voorafbetaalde lugtyd aan die kriminele kan verkoop. Daar is byvoorbeeld ‘n hele artikel op Moneyweb wat hoog en laag kla oor hoe onafdwingbaar die RICA-wetgewing glo sou wees.
Van die besware in bostaande artikel: baie mense het glo nie vaste woonadresse nie. Wie hou rekord van die ID-nommers? Ensovoorts, ensovoorts - lang en treurige stories.
My hart bloei vir die “arme” selfoonmaatskappye, hulle met die miljarde rande se winste wat hulle elke jaar maak. Hou op om die rugby te borg en belê in ordentlike stelsels om hierdie soort misbruike te monitor. Betaal ‘n paar miljoen en kry vir julle ‘n klomp skandeerders, faksmasjiene en ‘n “Document Management System.” Daar is baie van hulle daar buite beskikbaar. Kry ‘n paar werkloses van die straat af sodat hulle help om hierdie dokumentasie te verifieer.
My hart bloei ook vir die onwettige immigrante wat nie ‘n ID-boek of ‘n vaste woonadres het nie. Gaan terug na jou eie land en kry vir jou ‘n selfoon daar. Ek plak nie in Amerika nie en dring ook nie aan op ‘n Sprint of Verizon-rekening daar nie. Wat maak julle so spesiaal?
Vir diegene wat in ‘n plakkerskamp bly: gaan soek vir jou ‘n kommisaris van ede, en stuur ‘n gesertifiseerde brief van iemand wat jou ken soos jou pastoor asook ‘n afskrif van jou ID-boekie, daardie een waarmee jy vir jou child grants aansoek doen, na Vodacom, Cell C of MTN.
(Ek het wel ‘n klein vragie, onnosel soos ek is: as jy in 'n plakkershut woon, waar prop jy dan jou selfoon se laaier in? O, by die werk! Ek sien – kry dus jou werkgewer om te sertifiseer dat jy wel daar werk en dat hy jou ken. As jy nie 'n werk of 'n huis het nie, hoe op dees aarde het jy dan 'n selfoon in die hande gekry, en hoe gaan jy jou lugtyd kan koop?)
Alvorens Cell C, MTN of Vodacom nie die dokumentasie hierbo in hul besit het nie, werk jou voorafbetaalde kaart nie. Dis niks buitengewoon nie – ek moes destyds self ‘n paar dae wag dat hulle my selfoonkontrak goedkeur.
Dit help nie ons sit en kla oor misdaad maar diegene wat die mag het om iets daaraan te doen – die selfoonmaatskappye onder andere – weier om hulle kant te bring vir redes van eie gewin nie.
Saturday, July 11, 2009
Wat sou die uitslag van 'n tweede referendum wees?
Baie mense het in 1994 gehoop dat Suid-Afrika 'n spesiale geval, 'n uitsondering in Afrika, sou wees.
Ons almal weet hoe gaan dit in die res van Afrika. Zimbabwe, 'n tipiese piesangrepubliek met skrikwekkende agteruitgang, is slegs 500 km van Pretoria af. Daar is kwalik enige voorbeelde van 'n suksesvolle Afrikaland, een wat vooruitstrewend, vreedsaam en demokraties is, buiten Botswana. Botswana het egter slegs 'n miljoen of so inwoners en word bykans deur De Beers regeer. Baie mense het teen alle logika in, teen die waarskuwings van die sogenaamde regses in, gehoop dat dit nie die geval is nie, dat Suid-Afrika met 'n bietjie geluk die lot van ander Afrikalande sou vryspring.
Vandag word dit egter toenemend duidelik dat Suid-Afrika geen uitsondering was nie. Al rede hoekom Suid-Afrika nog nie Zimbabwe is nie, is agv die ware nalatenskap van apartheid: die heel beste infrastruktuur in Afrika. Suid-Afrika se ekonomie is ook ordes groter as Zimbabwe s'n. Dit gaan dus langer vat vir die grypende trogvarke om die ekonomie te plunder en om die infrastruktuur te vernietig. Plunder, gaan dit egter geplunder word. Dis reeds in proses. Die trogvarke van die ANC regime se ongebreidelde gierigheid ken geen einde nie.
Rapport, 'n koerant wat voorheen voor in die koor was met sy lofsangery aan die Nuwe! Verbeterde! Suid-Afrika, se voorbladberig gaan juis oor die endemiese korrupsie van die ANC-regime. Uit Rapport se hoofartikel: "Die geplunder, vermorsing, diefstal en wanadministrasie met staatsgeld deur korrupte staatsamptenare én politici waaroor Rapport vandag breedvoerig berig, laat die toornigheid en woede teen die kraag uitklim."
Kortom: Suid-Afrika is vinnig op pad na die uiteinde van 'n tipiese Afrikaland: 'n gefaalde staat. Selfs al het ons die beste infrastruktuur gehad, is ons ekonomie tog van 'n beperkte grootte, en is daar net soveel wat geplunder en vernietig kan word voordat die ganse kaartehuis ineentuimel.
In 1992 was daar 'n referendum wat die vraag gestel het of blankes hul toestemming gegee het dat die destydse regering met die ANC kon onderhandel. Goedkeuring om te onderhandel is uiteraard nie dieselfde as tevredenheid met die uitkoms van die onderhandelings nie. Daar sou 'n opvolgreferendum gewees het om die uitslag van die onderhandelings goed te keur.
Die tweede referendum het nooit plaasgevind nie. Ook maar net sowel vir die NP en ANC; teen 1994 was dit reeds duidelik dat ons uitgelewer sou word aan 'n groep korrupte terreursaaiers. Logieserwys volg dit dat blankes nooit die geleentheid gehad het om die resultaat van Kodesa goed te keur nie. Dit beteken selfs dat die huidige bestel onwettig is – g'n blanke het toegestem daartoe nie. Ek is een persoon wat nie die gesag van die ANC regime erken om oor my te regeer nie, alhoewel ek die landswette gehoorsaam.
Nou wonder ek by myself: as ons vandag wel 'n tweede referendum onder blankes sou hê, wat vra of ons bereid is om verder passasiers op die Titanic te wees, om verder deel te neem aan die falende Afrikastaat, wat sou die uitkoms wees? Sou ons instem tot regstellende aksie, amptelik-goedgekeurde korrupsie bekend as SEB, naamveranderings, wetteloosheid en korrupsie?
Ek wonder hoeveel blankes is vandag werklik gelukkig en tevrede met die vooruitsig op voortgesette burgerskap van Zimbabwe nommer 2? As daar reeds meer as 'n miljoen geëmigreer het, kan daar nie baie wees nie. Moet egter nie my woord daarvoor aanvaar nie. Gaan lees byvoorbeeld bloot die lesers se reaksies op die Rapport se berigte, of Engelse blanke lesers se reaksies op Moneyweb se politieke berigte, om te sien hoe wydverspreid en diepgaande blanke ontevredenheid met die status quo is.
Soustreinryery geensins uniek aan Afrika nie
Ek moet egter bieg dat korrupsie, die misbruik van mag en blatante soustreinryery geensins uniek aan Afrika is nie.
Die persoon hieronder regeer na haar eie mening 'n land op 'n ander kontinent, maar beklee eweneens ook geen openbare pos nie. Sy het wel 'n groep personeel wat die oorgewig sousvliegtuigpassasier, Phumzile, met haar 20+ lyfwagte wat haar moet keer om nie by die McDonald's in te gaan nie, trots sou maak.
Heel onder is 'n lys van die persoon se 22 personeellede. Twee-en-twintig! Bid jou aan - tot 'n persoon wat $50,000 per jaar betaal word om skedules en reise te organiseer. Menige Afrika-diktator sou trots wees as sy vrou so 'n formidabele lys mense gehad het wat na haar omsien. Marie-Antoinette en koning Lodewyk se lewensstyl kom by mens op.
Miskien is beide die koninklike en Afrika-metafore nie so vergesog nie. Die lys hieronder is Michele Obama se personeel, die vrou van daardie ander derdewêreldland, Amerika, se halfbloedprins, prins Barack die Eerste.
Mens kan die koninklikes uit Afrika haal, maar nie Afrika uit die koninklikes nie, smaak dit my.
1. $172,2000—Sher, Susan (Chief of Staff)
2. $140,000—Frye, Jocelyn C. (Director of Policy and Projects)
3. $113,000—Rogers, Desiree G. (Special Assistant)
4. $102,000—Johnston, Camille Y. (Director of Communications)
5. Winter, Melissa E. (Deputy Chief of Staff)
6. $90,000—Medina, David S. (Deputy Chief of Staff)
7. $84,000—Lelyveld, Catherine M. (Director and Press Secretary)
8. $75,000—Starkey, Frances M. (Director of Scheduling and Advance)
9. $70,000—Sanders, Trooper (Deputy Director of Policy and Projects)
10. $65,000—Burnough, Erinn J. (Deputy Director and Deputy Social Secretary)
11. Reinstein, Joseph B. (Deputy Director and Deputy Social Secretary)
12. $62,000—Goodman, Jennifer R. (Deputy Director of Scheduling and Events Coordinator)
13. $60,000—Fitts, Alan O. (Deputy Director of Advance and Trip Director)
14. Lewis, Dana M. (Special Assistant and Personal Aide)
15. $52,500—Mustaphi, Semonti M. (Deputy Press Secretary)
16. $50,000—Jarvis, Kristen E. (Special Assistant for Scheduling and Traveling Aide)
17. $45,000—Lechtenberg, Tyler A. (Associate Director of Correspondence)
18. Tubman, Samantha (Deputy Associate Director,Social office)
19. $40,000—Boswell, Joseph J. (Executive Assistant to the Chief of Staff)
20. $36,000—Armbruster, Sally M. (Staff Assistant to the Social Secretary)
21. Bookey, Natalie (Staff Assistant)
22. Jackson, Deilia A. (Deputy Associate Director of Correspondence)
Monday, July 6, 2009
Waarom bestaan die SANW nog?
Die DA se skaduminister van verdediging maak geldige punte oor die wanfunksionele aard van Suid-Afrika se weermag. Wat eens die mees formidabele militêre masjien in Afrika was, is vandag 'n MIV-deurtrekte groep narre wat almal saam sou sukkel om 'n enkele kompanjie Amerikaanse soldate te verslaan, laat staan nog die Zimbabwiese weermag.
Ek hoef ook nie uit te wy oor die oorsake hiervan nie – transformasie, swak dissipline onder voormalige MK-lede ensovoorts.
Ek bevraagteken wel waarom die land in die eerste plek 'n weermag het. Is een van 'n weermag se belangrikste funksies nie juis om die land teen buitelandse invallers te beskerm nie? Die Franse het byvoorbeeld die Maginot-lyn gebou, 'n reeks vestings en loopgrawe naby die noordoostelike grens van Frankryk, om hulle grondgebied teen die Duitse invallers te beskerm. (Die bouers van dié lyn het egter nie voorsien hoe ingrypend Blitzkrieg-taktieke die reëls van die spel sou verander nie.)
Met bostaande in gedagte is Suid-Afrika se SANW se bestaan vir my raaiselagtig. Waarom het Suid-Afrika byvoorbeeld Gripen-vegvliegtuie of duikbote? Watter Afrikaland of ander vyand gaan Suid-Afrika vanuit die lug bedreig? Watter vyandige vaartuig gaan deur 'n duikboot afgeweer word – 'n vlot vol onwettige immigrante, moontlik?
Die probleem is egter veel groter en dieper as die afwesigheid van 'n huidige lugbedreiging. As Suid-Afrika se weermag ten doel het om die land se grondgebied teen invallers te beskerm, het hy die oorlog lankal reeds verloor. Een kwart van Zimbabwe se bevolking het die land reeds binnegeval, tesame met beduidende getalle Mosambiekers en invallers vanuit ander lande.
Daar is reeds 10-15 miljoen vreemdes wat die land se grondgebied binnegeval het, sonder dat die SANW 'n vinger verroer het om die invallers te stuit. Nie net het die SANW geensins die kapasiteit om hulle te stuit nie, maar die ANC-bewind het ook inderdaad duidelik gemaak dat Suid-Afrika se grense vir alle praktiese doeleindes nie meer bestaan nie. Visumvereistes vir Zimbabwiërs is afgeskaf. Geen realistiese pogings word aangewend om Zimbabwiërs, Mosambiekers of enige ander inwoners van die res van Afrika te repatrieer nie, buiten 'n paar honderd wat dan en wan per trein na Beitbrug vervoer word, net om dieselfde dag weer terug te keer.
Watter doel dien 'n weermag dus as die land se territoriale integriteit 'n grap is, as daar geen grense meer bestaan nie? Is dit bloot om 'n orkes te verskaf by die opening van die parlement? Wie of wat presies moet die weermag afweer? Wie gaan die Gripens bombardeer of watter vliegtuie gaan hulle afskiet, siende dat die invallers reeds die land binnegeval het, en die oorlog dus alreeds oorweldigend beslis is ten gunste van die invallers?
Kan dit wees om die land binnelands te beveilig, as't ware 'n soort laaste loopgraaf-oefening, waar die weermag die land se inwoners in klein deeltjies van die grondgebied probeer verdedig teen die invallers? Weer eens is die antwoord nee. 'n Laegraadse burgeroorlog soos vergstalt in plaasmoorde, veral in landelike gebiede waar die weermag hom die meeste tuis sou voel, woed onverpoosd voort.
Waarom bestaan die SANW nog enigsins, dus, buiten as 'n werkgewer vir die ANC bewind se kaders?
Monday, June 29, 2009
Onderhoud met Piet Helium
Joernalis: Meneer Helium, daar is diegene wat sê u ry bloot op die rug van die fondasie wat Jake White en veral Eddie Jones gebou het. Die Springbokke wen glo ten spyte van u nie as gevolg van u nie. Wat is u kommentaar?
Piet Helium: Wie sê so? Is dit daai White kêrel? Kyk na sy van. Hoe kan jy nie 'n rassis wil wees met so 'n van nie? Daar is niks wat iemand my van die dertienmanspel kan vertel nie.
Joernalis: Sover ek weet het rugby 15 spelers, maar hoe dit ook al sy. U word vir u spankeuses gekritiseer…
Piet Helium: Kyk, die All Blacks en Engeland speel miskien rugby vir ander redes, maar ons hier in Suid-Afrika speel rugby om aan ons Vreeslose Leiers te bewys hóé getransformeerd ons is. Ek sal kies wie ek wil al kry my spelers binne 10 minute 'n rooi kaart, verstaan jy vir my?
Joernalis: Nie net word u spankeuses gekritiseer nie, maar ook u kommunikasievaardighede. Mense sê u is skiet uit die heup uit op perskonferensies en is dikwels onsamehangend.
Piet Helium: Ek stem nie saam nie. Rugby word deur agterlike Dutchmen beheer en alhoewel ek soos Minnie Mouse klink, kom dit van 'n sportbesering toe 'n ou my linkerbal tussen sy tande vasgebyt het. Hoekom vra jy my anyway so 'n vraag? Is jy miskien 'n rassis? Hê? Jou moer man. Jy is seker 'n Dutchman. Rugby is nie vir sissies of Dutchmen nie.
Joernalis: U privaatlewe is ook omstrede. Daar was die voorval in 'n parkeerterrein.
Piet Helium: Daai wit tert wat gaan kla het omdat sy moes wag dat die Viagra moes begin werk, is 'n rassis. Ek het 'n Godgegewe talent, wat ook strek tot by die agtersitplekke van karre. Sy moes minder gekla het dat sy ander kliënte kon sien in die tussentyd en dankbaarder gewees het dat ek, die Groot Piet, haar gediens het.
Joernalis: Hoe gaan u span lyk vir die derde toets? Gaan u eksperimenteer?
Piet Helium: Ja, ek gaan. As 'n lojale ANC-kader gaan ek goeie regstellende spankeuses toepas. Heinrich Brussow mag dink hy is 'n goeie balsteler, maar ek het 'n geheime wapen op nommer 6. Wat Heinrich nog moet leer van steel, het Jacob en Schabir, my flanke vir Saterdag, al vergeet. Daar is baie talent om van te kies vir die voorry. Nkosazana en Phumzile het die perfekte liggaamsbou vir stutte en hulle body odour sal die opposisie huiwerig maak om te skrum. My hele agterlyn gaan ANC-parlementslede wees, wat ons almal 'n ding of wat kan leer van weghardloop vir die Skerpioene.
Joernalis: Is dit nie 'n eenogige spankeuse nie? Wat van ander partye?
Piet Helium: As 'n spesiale toegewing aan ander partye, gaan Helen ons mediese beampte wees. Enige ou wat seerkry, gaan onmiddelik 'n hele reeks Botox-inspuitings in die deel wat seer is kry. Helen gaan ook sommer ons cheerleader wees want sy's gewoond daaraan om 'n hele span mans deur te draf.
Sunday, June 28, 2009
Gray Davis, Rapport en Eksdom
Tydens die jare 2000 en 2001 was daar 'n elektrisiteitskrisis in die Amerikaanse deelstaat Kalifornië. Die detail van die krisis sou bekend voorgekom het aan Suid-Afrikaners wat tans onderhewig is aan die wanbestuur van 'n getransformeerde Eksdom, waar regstellende-aksie hoofbestuurders R30 miljoen jaarliks "verdien" het, maar die land gesukkel het met kragonderbrekings. Ten spyte daarvan dat die Kaliforniese bevolking met 13% gegroei het tydens die jare negentig, is geen nuwe kragsentrales opgerig nie. 'n Rampspoedige program van deregulasie van grootmaatpryse vir elektrisiteit, gekoppel aan regulering van kleinhandelpryse en mislukte privatisering het gelei tot chaos. Die berugte beurtkrag so welbekend aan Suid-Afrikaners het die Kaliforniese verbruiker begin tref in die jaar 2000. Die Enron-maatskappy, eweneens berug vir sy sonderlinge boekhoumetodes, en andere het die situasie tot hul eie voordeel uitgebuit en buitensporige winste gemaak dmv markmanipulasie. Die Demokratiese goewerneur, Gray Davis, het te laat wakkergeskrik en nes 'n getransformeerde Ekdsombaas misluk daarin om die krisis te bestuur. In 2003 is Davis deur die Kaliforniese kiesers herroep as goewerneur en deur Arnold Schwarzenegger, "The Governator", vervang. Die Kaliforniese kieser het dus hul demokratiese mag by die stembus gebruik om hul misnoë teenoor die politici uit te druk. Davis het die prys vir sy onbeholpenheid betaal en is sy pos kwyt. Min mense sou met my verskil dat dit presies is hoe 'n demokrasie veronderstel is om te werk. Kiesers behoort die mag te hê om politici wat nie na hulle belange omsien nie, in die pad te steek. Naspers asook Rapport was tot onlangs toe een van die groot lofsangers van die Nuwe Suid-Afrika. Bykans alles wat onder die vorige bedeling plaasgevind het, is as boos en onmenslik voorgehou deur 'n verskeidenheid skrywers in Naspers se publikasies. Vir 'n hele aantal jare was Ton Vosloo en sy bende liggewigte soos Jan-Jan Joubert voor in die koor van lofsangers vir die ANC bewind. Tans is Naspers byna volledig getransformeer, nes Eksdom, met die bruin Mafia wat tans die boonste echelons van Naspers se publikasies beheer. Met die paleisrewolusie in Polokwane in Desember 2007, toe Mbeki deur die Zuma-faksie ontset is, het Rapport se lojaliteit verskuif na Helen Zille en haar DA. Die koerant het egter deurentyd sy steun vir die sogenaamde "demockracy" te kenne gegee, of dit nou as ondersteuners van die ANC of van die DA was. Nóg 'n linkse liggewig, Lisa Albrecht, het onlangs die leisels van Rapport by Tim du Plessis oorgeneem, nádat laasgenoemde na Beeld verskuif is. Siende dat die redakteur dikwels die hoofberigte in die koerant hetsy skryf, hetsy goedkeur, is dit redelik om aan te neem dat me Albrecht ook vandag s'n geskryf of goedgekeur het. Die titel van die genoemde rubriek is "Weerlose verbruiker." Dit handel oor die impak wat Eksdom se verregaande prysverhoging van 31.3% op die verbruiker gaan hê. Niemand sal daarmee stry nie, en almal weet ook wie die ergste getref gaan word daardeur. Wenk: dis beslis nie die wanbetalers in die townships of diegene wat krag steel in plakkerskampe nie. Dis die gewone verdagtes, die blanke melkkoeie in die voorstede. En dan, in 'n verstommende bekentenis, maak die skrywer van die redaksionele stuk dit duidelik dat die Mzansiese "demockracy" eenvoudig nie werk nie. Gedagtig aan goewerneur Davis se herroeping in Kalifornië, haal ek die volgende sin uit Rapport se hoofartikel aan: "Die groot tragedie vir die verbruiker is dat hy self niks aan die situasie kan doen om verbruikerspryse in toom te hou nie." Kontrasteer bostaande fatalisme met Gray Davis se ontsetting. Snaaks dat die Kaliforniese kieser wel iets aan die chaos in dié deelstaat se elektrisiteitsbedryf kon doen, maar daar het julle dit uit die perd se bek: Suid-Afrika se verbruikers is magteloos, aldus Rapport. Ons kan niks doen aan Eksdom nie. Ek stem uiteraard saam met Rapport. Veral blanke kiesers is volledig onmagtig om langs die weg van die rassesensus bekend as Mzansi se verkiesings iets aan ons eie lot te kan doen. Die stemvee wat eendragtig vir die ANC stem, gaan aanhou om so te maak, maak nie saak hoe sleg dinge gaan nie. Rapport is heeltemal reg dat Suid-Afrika se "demockracy" onwerkbaar en 'n mors van tyd is, al was dié bekentenis per abuis en waarskynlik onbedoeld implisiet in vandag se hoofberig. Die enigste vraag wat oorbly, is hoe lank dit vir Rapport sal neem om twee en twee bymekaar te tel, om te besef dat selfbeskikking vir blankes die enigste pad uit die moeras van die "demockracy" is. |
Schabir ontvang behandeling by die eksklusiewe Ile Maurice-inrigting
Shaik het die meeste van sy tronkvonnis in die hospitaal deurgebring. Hy is op mediese parool vrygelaat nádat hy volgens die getransformeerde hospitaalpersoneel, wat kennelik sou sukkel om die verskil tussen griep en sifilis te kan eien, "op sy laaste bene was."
Die pasiënt Shaik se besoek aan Ile Maurice het saamgeval met sy vrou Zuleikha se verjaardag. Snaaks, terloops, dat Moslemvrouens toegelaat word om hul verjaardag te vier, siende hoe hulle tot onlangs toe in Moslemlande nie eens 'n motor mog bestuur het nie. Mag hulle hulle boerkas vir die dag afhaal, wonder mens, maar hoe dit ook al sy. Heelwat van Shaik se familie was ook teenwoordig by Shaik se behandeling.
Die behandeling by Ile Maurice bestaan uit medikasies soos seekos au gratin, Camembert Aux Amandes, Salade de Morue Surcouf en soortgelyke terapeutiese geregte. Heelwat van die behandelings het nie pryse nie maar eerder die letters SQ - ("silly question") wat beteken dat as jy moet vra hoeveel dit kos, jy dit duidelik nie kan bekostig nie. Shaik het sekerlik vir die behandeling betaal met geld wat hy op 'n besonder eerbare wyse verdien het. Julle weet, die gewone ding soos omkopery van amptenare, korrupsie en belastingbedrog.
Ek is seker ek en die res van die land se belastingbetalers is eenparig in ons wens dat Shaik se toestand binnekort vinnig sal versleg en dat ons spoedig kan uitsien na 'n uitspattige staatsbegrafnis vir 'n vooraanstaande voorbeeld vir die endemiese dog getransformeerde kriminaliteit so eie aan die Mzanziese piesangrepubliek.
Saturday, June 27, 2009
Die taxibedryf se absurde eise
Ek het groot vertroue in die vrye mark, veral in teenstelling met staatsbeheer van die ekonomie. Die mark kan baie beter en vinniger besluit wat die waarde van 'n item is en hoeveel aanvraag daar daarvoor bestaan, as wat 'n burokraat in 'n stowwerige kantoortjie kan maak.
Die vrye mark is egter nie volmaak nie. Krisisse soos die subprimakrisis gebeur van tyd tot tyd, maar andersyds verkeer die kommunisitiese alternatief vir die vrye mark deurentyd in een groot krisis. Mense het konstant in die USSR tou gestaan vir brood omdat daar 'n kontinue krisis met vraag en aanbod bestaan het. Die burokrate kon eenvoudig nie so akkuraat soos die vrye mark voorspel wat die aanvraag vir brood of enige ander item sou wees nie. Hoe die linkses in Suid-Afrika beplan om met getransformeerde, breindood amptenare dieselfde te probeer doen, is 'n nagmerrie vir 'n ander dag.
Die subprimakrisis is voorts juis veroorsaak deur politici wat ingemeng het in die werking van die vrye mark, toe hulle agv die vloek van politiese korrektheid druk op instansies geplaas het om geld te leen aan diegene wat dit nie kon terugbetaal nie. Politiese korrektheid in die VSA onder die Clinton-administrasie stel dus deesdae jou werk in gevaar.
Naas die uitspattighede van die bankiers is Suid-Afrika se taxibedryf ook iets wat my maak twyfel oor ongebreidelde, laissez-faire kapitalisme. Die taxibedryf het ontstaan toe entrepreneurs 'n gaping in die mark gesien het, en oorleef vir jare al sonder enige subsidies. Dit vervul 'n groot behoefte. So far so good.
Die probleem is egter dat die negatiewe aspekte van die taxibedryf sy positiewes ver oortref. Suksesvolle mark-ekonomieë maak staat daarop dat die meeste van die deelnemers eerbaar en wetsgehoorsaam is. Skurke soos Bernard Madoff is die uitsondering eerder as die reël in sulke stelsels.
Daar is weliswaar voorbeelde van markgerigte kapitalisme wat eksklusief vir misdadige doeleindes bedryf word. Die Cali kartel wat kokaïene verkoop, is weliswaar geskep in reaksie op 'n aanvraag vir hulle produk, maar dit word deur misdadigers bedryf en gaan gepaard met geweld en moord. Kompetisie bestaan daaruit om jou opponent van die gras af te maak.
Suid-Afrika se taxibedryf het meer in gemeen met die Cali kartel se tipe kapitalisme as wat dit met ordelike, Westerse kapitalisme in gemeen het. Mededinging bestaan daaruit om jou opponente met AK-47's af te maai. Hulle betaal geen belasting nie. Die reëls van die pad geld nie vir taxibestuurders nie. Hulle sal ry waar hulle wil en hoe hulle wil. 'n Taxibestuurder het 'n blanke kind op haar bromponie in Garsfontein doodgery omdat sy hom durf verontrief het. Vreemd dat die Engelse pers nie ook in 'n orgie van verontwaardiging "rassisme" geskree het oor dié insident nie… Aan die ander kant was die kind 'n blote Afrikaner en die bestuurder kroonwild in die gefaalde reënboognasie met sy monochrome swart reënboog.
Nes Colombië se polisiemag is die oorgewig, getransformeerde amptenary wie se enorme agterstewes oor die sale van hulle motorfietse hang, doodbang om hierdie wetteloosheid vas te vat. Hulle is agv transformasie nie bevoeg om die probleem hok te slaan nie (of inderdaad om enige iets te doen buiten pasteie te vreet onder 'n brug of motoriste af te pers), en ook te korrup om dit werklik te wíl doen.
Die uiteinde hiervan is dat die taxibedryf in wese 'n georganiseerde groep misdadigers is, was soos Pablo Escobar-hulle in die praktyk bo die wet verhewe is. Omdat hulle de facto aan geen wet onderhewig is nie, het hulle skynbaar ook besluit dat hulle de jure die paaie kan regeer. Soos die Engelse sê: "they have become a law unto themselves."
Só arrogant is die taxibedryf dat hulle deesdae maak op intellektuele eiendom. In die verwronge en beperkte gedagtes van Sipho die taxi-baas, het hy en sy bende glo "die taxiroetes bedink" en "besit hulle die intellektuele eiendom."
Snaaks, maar sover ek weet die oorweldigende meerderheid van Suid-Afrika se padnetwerk is vóór 1994 gebou en gaan dit sedertdien agteruit. Ek is seker die ingenieurs wat die vervoerstudies gedoen het, was nie deel van die taxibedryf nie. Ek verbeel my ook diegene wat die geometriese ontwerp gedoen het ook nie. So ook nie die kontrakteurs wat dit gebou het se terreinagente en ingenieurs nie.
Nee, ek lieg. Ek verbeel my nie net nie, ek was een van die ingenieurs wat dit in die ou bedeling gedoen het.
Hoe dit ook al sy, net so min as wat jy met 'n Colombiaanse dwelmsmous kan of wil redeneer, kan jy egter met die taxibedryf redeneer. Gevolglik het die absurde idee by die bedryf posgevat dat die beplande "Bus Rapid Transit" (BRT) stelsel aan die taxibedryf "behoort." Dis so goed die Cali-kartel besluit dat die Amerikaanse hospitaalstelsel aan hulle behoort, want beide werk met dwelmmiddels, nie waar nie?
Die verskil tussen Suid-Afrika en die VSA is egter dat hulle nog 'n funksionerende polisiemag het asook die politieke wil om dwelmhandelaars vas te vat, al is dit 'n haas onbegonne taak. In Suid-Afrika is die polisiemag getransformeer en gevolglik moertoe, en die politici wat meestal self misdadigers is, het geen wil om hulle mede-kriminele vas te vat nie.
Moet dus nie verbaas wees as die taxibedryf se absurde eise tog suksesvol is nie. Een van die dae word blanke skoolkinders nie deur 'n Hiace doodgery nie, maar sommer deur 'n bus wat deur die einste kriminele kartel bedryf word.
Friday, June 26, 2009
Die laagste gemene deler
Thursday, June 25, 2009
Wie gaan Eksdom se 31.3% verhoging befonds?
| Eksdom is pas 'n 31.3% verhoging toegeken. Dis uiteraard verregaande as jy 'n blanke belastingbetaler onder die vorige bedeling was, omdat jou belastinggeld reeds vir veelvuldige kragstasies betaal het. Daar is weliswaar diegene wat 'n las op die netwerk plaas agv hulle ongebreidelde voortplantingstempo, maar dis nie jou of my skuld dat Filemon nie sy penis in sy broek kan hou nie. Die probleem met bostaande is dat groot verbruikers soos die myne en aluminiumsmelters nie geraak gaan word die nuutste verhoging nie. Ook nie buurlande nie; Eksdom verkoop steeds elektrisiteit aan die piesangrepublieke aangrensend aan Mzansi teen 'n appel en 'n ei. So ook nie die sogenaamde armes, ook bekend as die townships se wanbetalers nie, hulle wat eenvoudig weier om vir dienste en erfbelasting te betaal nie. Nee, Eksdom se teiken is grootliks die blanke melkkoeie in die voorstede. My vraag is die volgende: siende dat die getransformeerde wanbetalers en maatskappye nie regtig die impak van die verhoging gaan voel nie, gaan dit noodwendig van iewers af moet kom. Die voor-die-hand-liggende teiken is jy en ek; die blanke idiote in die voorstede wat wel agteroor buig om ons rekeninge te betaal. Gegewe dat die verhoging 31.3% is, gaan ons nie meer as dit moet betaal nie, siende dat die Joodse industrialiste en Sipho in die townships juis nie 31.3% gaan betaal nie? Gaan ons dus nie noodwendig veel meer as 31.3% moet betaal nie? (Onthou: die verhoging is oorhoofs 31.3%, wat beteken diegene wie se verhoging minder as 31.3% is, insluitende Mosambiek en Rob Mugabe, se pro-rata verhoging moet van iewers af verhaal word.) Miskien is ons blanke melkkoeie se verhoging eerder 50% - as jy vandeesmaand R500 vir elektrisiteit betaal het, is jou rekening stellig volgende maand R750. Lekker vooruitsig, nie waar nie? Gombal en sy getransformeerde maatjie, die regstellende aksie-aanstelling by die munisipaal wat saam 'n breinsel met 'n leeggesuipte bierblik deel, steel mbv onwettige konneksies die krag, en jy, die onnosel melkkoei wat scheme Mzansi is 'n cool possie, betaal daarvoor, of bes moontlik befonds jou kragrekening Robert Mugabe en sy buddies... |
'n (On)verbasende gebrek aan patriotisme
Ene Kaaskop, in 'n brief aan Litnet, vra 'n baie pertinente vraag: as daar 'n militêre aanslag teen Mzansi sou wees, sou die meeste blankes toelaat dat hul seuns opgeroep word om Mzansi te verdedig? Ek sal beslis nie. Inteendeel; ek sal dit oorweeg om my dienste aan die invallers beskikbaar te stel, want dis toenemend duidelik dat die ANC bewind die Afrikaner se vyand is.
Pieter Mulder noem dat daar 10,000 Chinese vrywilligers was wat sonder vergoeding by die Olimpiese Spele in Beijing gewerk het. By die Konfederasiebeker-wedstryd tussen Italië en die VSA anderdag, daarenteen, het die sekerheidspersoneel gestaak vir meer geld. In Mzansi is dit dus elke man vir himself en na die duiwel met die res.
Die staking was niks anders as 'n siniese uitbuiting van 'n internasionale geleentheid nie. Vreedsame massa-optrede is toevallig ook iets wat ek dink Afrikaners volgende jaar met die Sokkerwêreldbeker moet doen om ons lot onder die wêreld se aandag te bring, maar ek is openlik onpatrioties teenoor die kunsmatige reënboognasie. Vergelyk daardie onpatriotiese houding met die ewe arm maar nietemin patriotiese Chinese s'n.
Mens sou so 'n gebrek aan patriotisme nog kon verstaan, komende van separatiste soos ek. Die stakers by die sokker is egter juis diegene teen wie daar nié in Mzansi gediskrimineer word nie, wat op die oog af wel welkome landsburgers is, anders as ek en my mede-Afrikaners. Die meeste stakers het voorts nie juis enige sterk nasionale identiteit (buiten moontlik aspirasies om Amerikaanse tipe gangsta rappas te wil word) of inderdaad 'n rede om te wil afstig nie. Hulle is dan in 1994 "bevry" – waarom afstig?
Verduidelik die volslae gebrek aan enige patriotisme egter Benni McCarthy se openlike weersin daarin om van sy Europese klub af weggeskeur te word? Is 'n gebrek aan patriotisme miskien juis die verklaring vir die Bafana-Bafana, asook baie ander Afrika-sokkerspanne se patetiese vertonings? Die leë stadia wanneer die Bafana speel kan dus eerder toegeskryf word aan 'n afwesigheid van nasionale samehorigheid, en nie net die Bafana se swak vertonings nie.
In daardie opsig stem ek saam met die linkses wat sê dat die ou koloniale grense van Afrika 'n kunsmatige onding is wat deur Europeërs op onwillige mense afgedwing is. Mense, kan ek byvoeg, wat nie noodwendig die Europese konsep van nasionale trots of samehorigheid kan of wil verstaan nie. Dis nie dat die Europese konsep van 'n nasie-staat beter of slegter is aan Afrika se model van 'n sterkman en stam-onderdane nie, dis bloot anders en waarskynlik ontoepaslik vir Afrika.
Gesien in die lig van die bostaande is dit eintlik relatief eenvoudig om te bepaal wie is Afrikaners, en vir Afrikaners om onsself te bevry. Om iets aan die res van die wanfunksionele kontinent se lot te doen, is egter 'n katnes.
Anton B.
Tuesday, June 23, 2009
Afrika se vreemde gebrek aan sokker-sukses
epiese sportwedstryde tussen ek en my nefies aan die een kant en die
plaasarbeiders se kindertjies aan die ander. Dit het gewoonlik met sokker
begin, maar dit was eensydige wedstryde. Die plaasarbeiders se kinders was
in 'n ander liga as ons. Ons het dan die bal opgetel en begin hardloop om
die spel in rugby te verander, sodat ons ook 'n kans kon hê.
Die Engelse skole in ons omgewing het weliswaar ook sokker gespeel, maar die
feit dat sokker meer gewild is onder swartmense as onder veral ons
Afrikaners, was iets wat niemand betwyfel het nie. Dis steeds so. Ek sit in
'n vergadering anderdag en die voorsitter vertel opgewonde hoe hy kaartjies
bekom het vir die Konfederasiebeker wedstryd tussen Italië en Brasilië. Die
enkele mhlungu's soos ek het kennelik nie heeltemal in sy entoesiasme gedeel
nie.
Sokker is loshande die mees gewilde sportsoort wêreldwyd. Dis ook so in
Afrika. Die groot meerderheid mense in Suid-Afrika sou eerder 'n Chiefs -
Pirates eindstryd wou gaan kyk as 'n Bulle-Haaie eindstryd.
Tog wonder ek waarom Afrika se spanne so swak presteer in die Wêreldbeker.
Nog net twee kontinente se spanne kon al ooit die Sokkerwêreldbeker wen:
Suid-Amerika en Europa s'n. Brasilië is loshande die mees suksesvolle land,
met vyf kampioenskappe agter sy naam. Die beste wat enige Afrikaland ooit
kon doen, was vir Kameroen om die kwarteindstryd te haal. Dis vir my vreemd,
gegewe hoe gewild sokker op hierdie kontinent is.
Kan dit 'n gebrek aan geld wees? Ek glo nie. Brasilië is heelwat armer as
lande soos Duitsland of Italië. G'n Brasiliaanse klub is in geldterme die
gelyke van Real Madrid wat onlangs sowat R100 miljoen vir 'n speler betaal
het nie. Spelers soos die hamster "lookalike" Ronaldo word ook deur
Europese klubs afgerokkel, nes die geval is met Afrika se spelers. Wanneer
Ronaldo egter vir sy land uitdraf, pas hy sy Europese lesse daar toe.
Bafana-Bafana spelers soos Benni McCarthy, aan die ander kant, dink
verskonings uit om nie vir die nasionale span te speel nie. Argentinië, wat
destyds deur 'n geweldige ekonomiese krisis gegaan het, was in 1990 in die
eindstryd. Dit lyk dus nie of geld die enigste faktor in suksesvolle sokker
is nie.
Ook staan Afrikane se atletiese vermoëns bo verdenking. Sedert 1980 was daar
nie eens een blanke wat die 100m finaal in die Olimpiese Spele kon bereik
nie. Nie één nie - almal wat vir die afgelope 30 jaar die Olimpiese Spele se
100m kon wen, almal wat selfs in die finale was, was van 'n Afrika-herkoms.
Brasilië se bevolking het juis 'n beduidende persentasie Afrika-voorsate.
Afrika het sowat tien keer die bevolking van Brasilië, wat beteken dat die
poel van talent veel groter is as oorkant die Atlantiese oseaan.
Ten spyte hiervan is Mzansi se plaaslike sokkerspan 'n totale verleentheid,
gegewe dat Suid-Afrika die rykste land op die kontinent is. Afrika se ander
spanne sal voorspelbaar weer eens nie 'n faktor wees in 2010 nie.
Sunday, June 21, 2009
Koos Kombuis het sy oorblywende varkies finaal verloor
Die feite is as volg: mnr Mufunwa Munyangane, 'n finalejaar B. Comm-student, is oorlede in Stalinbos se Medi-Clinic, vermoedelik aan verkluiming.
Nou goed. Mnr Munyangane is 'n finalejaarstudent.
Hy is dus al minstens 2-3 jaar op universiteit, nie waar nie? Hy het dus al verskeie jare gehad om die dorp Stalinbos te leer ken, dan nie? Hoe is dit dat hy nie in sy eerste paar jaar verdwaal het nie, maar nou skielik?
Sonder om die volle feitestel tot my beskikking te hê, en as voormalige student wat self goed verstaan waarom studente eintlik op universiteit is nie, sou ek nie verbaas wees as mnr Munyangane omgekom het agv te veel etanol in sy bloedstroom en gevolglike blootstelling aan die elemente nie.
Kombuis blameer egter die taalstryders omdat die oorledene glo verdwaal het. Net Koos en diegene soos Timothy Leary sal verstaan hoe op dees aarde hy so 'n gevolgtrekking kon maak. Weer eens, die oorledene is 'n finalejaar. Hoe de moer het die taalstryd nou so 'n impak op hom kon maak dat hy die pad byster geraak het en verkluim het, maar nie 2 jaar gelede nie, weet slegs Kombuis en andere wie se acid trips skeefgeloop het.
Kombuis het, soos die Engelse sê, "finally lost the plot."
Tuesday, June 16, 2009
Die 16de Junie moet eerder 'n dag van rou wees
Kyk, apartheid en die sogenaamde nalatenskap van kolonialisme (julle weet – die geskrewe woord, menseregte, antibiotika, wet en orde, die wiel, demokrasie en al daai diverse euwels wat die wrede witman op die naturelle afgedwing het) word deesdae vir baie dinge blameer.
Kry die kat kleintjies? Apartheid. Skoolkind swanger met sewe vyftigjarige mans as kandidate vir vaderskap en die skoolkind onseker wie's die pa? Kolonialisme se skuld.
Een ding wat daai hedendaagse muishonde, die ou, blankie omies in hulle Homburg-hoedens, wel reg gedoen het in die ou bedeling was om te verstaan dat die jeug se opvoeding en opleiding hulle volk se héél belangrikste belegging vir die toekoms was. Dit was hulle eerste prioriteit, selfs in die aangesig van die Totale Aanslag.
As 'n jong laaitie van 16 was die jongeheer Anton B reeds geregistreer as 'n dienspligtige, deur ou Kierietjies, die wiskunde-onderwyser. Gelukkig het oom BJ Vorster en later oom PW verstaan dat rekruut 80422074BT 'n groter rol kon speel in die toekoms mét 'n matriek en 'n universiteitsgraad agter die blad as daarsonder. Hulle kon hom weliswaar gedwing het om direk ná matriek weermag toe te gaan, maar hulle was Goddank geduldig.
Dit word toekomsvisie genoem, iets wat nie juis 'n gewilde denkrigting in Afrika is nie. In Afrika leef ons vir die hede. Afrika se styl is kitsgratifikasie en basta met die toekoms. Het diegene wat reken dat omgewingsfaktore soos volop kos heeljaar teenoor duidelik-afgebakende seisoene en die gevolglike noodsaaklikheid vir beplanning wel 'n rol in die ewolusie van intelligensie gespeel het, tog 'n punt beet?
Die aanstigters van die 1976-onluste in Soweto se slagspreuk was: "Liberation before education". Dis 'n slagspreuk wat vandag nog by bykans alle swart skoolleerlinge spook. Een generasie, die klas van '76 se gekheid, belemmer swartes se vooruitsigte vandag nog, dertig plus jaar later.
As jou ma en pa nie deel was van die generasie wat nie verstaan dat dit belangrik is dat jy Cartesiese koördinate kan kleinkry in graad 10 nie, gaan hulle jou nie kan help as jy sukkel met y=mx+c wanneer jy 15 is nie. Jy gaan gevolglik kwotas en regstellende aksie benodig eendag wanneer jy as swarte met 'n blanke CA, dokter of ingenieur wil meeding, want laasgenoemde verstaan wel waarom Descartes so 'n belangrike outjie was, anders as jy.
Die vonk in Soweto se 1976-kruitvat was die aanleer van 'n Wes-Germaanse taal, Afrikaans, een met 'n liggaam van gevorderde letterkunde en musiek, asook 'n tradisie van akademiese gebruik, maar helaas opgesaal met die baggasie van apartheid. Afrikaans is egter nie vervang met iets van soortgelyke waarde nie. Die plaasvervanger was eerder klipgooiery, brandstigting en anargie.
Sestien Junie moet myns insiens dus 'n dag van rou en introspeksie in die swart gemeenskap wees, want die skade wat dit daardie gemeenskap aangedoen het, sal nie in my leeftyd herstel kan word nie.
Sunday, June 14, 2009
Die Azaniese sokkermorone
Toe nou nie.
Na weke se "hype" gaan gaan speel hulle vandag nietemin gelykop teen Irak. Bwa-ha-ha! Irak!!!
Julle volslae idiote! Julle piesangs! Irak is nie net deur die Amerikaners binnegeval nie, maar sy BBP per kop is sowat 1/3de van Suid-Afrika s'n. Overgeset synde: Irak is 'n rampgebied en nie eens naastenby so ryk soos Suid-Afrika nie. Hul sportfasiliteite, -toerusting en -afrigters is nie eens amper so goed soos Suid-Afrika s'n nie. Daar is nie naastenby soveel Irakese spelers in Europese klubs as Suid-Afrikaanses nie. Nietemin kan die getransformeerde, "verteenwoordigende" sokkerspan nie eens teen Irak wen nie.
Die Banana-Bananas se houding - "betaal ons meer vir ons onbevoegdheid" - is uiteraard 'n metafoor vir die houding van heelwat ander lede van Mzansi se agterlike samelewing en inderdaad ook die ganse Azaniese nasie se algemene verloorderstatus in die genepoel. Die ANC se ontplooide kaders se vlakke van bekwaamheid is presies dieselfde as die sokkermorone in die Banana-Bananaspan s'n: hulle is ongeletterde bosbobbejane, maar Kees "demand" om teen teen wil en dank 'n Mercedes te wil ry.
Spanje, die nommer een span in internasionale sokker, wag volgende naweek op hierdie piesangpoepholle. Wie is bereid om te wed dat die verloormarge minder as 3 doele gaan wees?
Ek lag my morsdood.
Wednesday, June 10, 2009
Waarom is daar universiteite in Mzansi?
Die vraag in die titel hiervan is eintlik 'n belaglike een, nie waar nie? Enige mens met meer as twee breinselle sal antwoord dat 'n universiteit daar is om tersiêre opleiding te verskaf en om navorsing te doen.
Daardie siening is egter 'n Eurosentriese perspektief en spreek van diep rassisme aan die kant van diegene wat só 'n mistasting huldig.
Suid-Afrikaanse universiteite het 'n heel ander bestaansrede. Daardie groot Marxistiese intellektueel, dr Blade Nzimande, stel dit onomwonde: Mzansi se universiteite is in werklikheid religieuse instansies wat daar is om offerhandes te bring aan die altaar van die god transformasie.
Dit help dus g'n jy kry 15 onderskeidings in matriek nie. As jy nie getransformeerd is nie, jammer, boet, kry jy nie 'n plek in die mediese fakulteit nie. Jy kan as navorser kennelik geweldige deurbrake maak op die gebied van kwantummeganika en die Nobelprys vir fisika wen, maar o, wee, as jy nie getransformeerd is nie, soek Blade jou nie in 'n Mzansi-universiteit nie.
Wat beteken dit in die praktyk om getransformeerd te wees? Kom ek gee jou 'n wenk. As jou melanienvlakke te laag is, is jy bes moontlik nie getransformeerd nie. Is jou velkleur wel te lig, kan jy nietemin moontlik tog op jou gatvelle deurskuur. Dis mits jy'n onberispelike Struggle-verlede het soos 'n wafferse Cheeky Watson (tot ereswarte verklaar), of 'n Black Sash en Daily Mail joernalis was soos 'n Helen Zille. Slegs dan kan jy moontlik toelating kry, maar slegs as jy elke dag die heilige kategismus van transformasie minstens 70 maal in Engels herhaal, en bevestig hoe gekant jy is teen Afrikaans en rassiste.
Dit is egter diegene wat aan die dubbele gestremdhede van lae pigmentasie en Afrikaans as moedertaal ly, wat per definisie ongetransformeerd is. Dis juis húlle wat etnies gereinig moet word uit universiteite, volgens kameraad Blade. Transformasie en Afrikaans is immers lynregte teenstrydighede. Die twee kan eenvoudig nie sy aan sy bestaan by dieselfde akademiese instansie nie.
Soos Latyn voorheen die taal van die Roomse kerk was, is Engels die amptelike taal in die Kerk van Transformasie. Geen akademikus, geen universiteit, geen student kan waarlik daarop aanspraak maak dat hy getransformeerd is, as hy nie sy geloofsbelydenis in Engels aflê nie.
Siende dat Mzansi se universiteite se fokus sedert 1994 verander het na een van transformasie, is dit weliswaar goeie nuus vir heelwat studente en personeel. Verby is die dae waar toelatingsvereistes soos goeie matriekuitslae, ongerieflike eksamens, 'n aandrang op die wetenskaplike metode en ander rassistiese, neokoloniale praktyke op die arme studente en dosente afgedwing is. Halleluja!
In Mzansi se universiteite sal daar dus genadiglik van nou af ander kriteria geld. Studente en dosente sal gemeet word aan hoe getransformeerd hulle is. Daag jy by hekke van 'n kampus op met 'n donker gelaat en praat jy met die sekerheidswag Engels, gaan direk na die Admingebou en gaan haal vir jou 'n Cum Laude graad, indien nie 'n pos as dosent nie.
Reg vir R100,000 jaarliks minder in jou sak?
Dinge is aan't verander. Die ANC maak geen geheim daarvan dat die rewolusie geensins verby is nie. Die Nasionale Demokratiese Rewolusie, NDR, is steeds die oorkoepelende ideologie binne die ANC. In eenvoudige terme is die ANC se visie vir die toekoms een van 'n Marxistiese land soos Kuba, en alles wat dit impliseer.
Daar is alreeds 'n geweldige sosialistiese staat in plek. Vir elkeen van die 5 miljoen persoonlike belastingbetalers, is daar 3 ontvangers van een of ander vorm van welsyn soos 'n kindertoelaag. Jy, meneer en mevrou die belastingmelkkoei, onderhou alreeds minstens 3 ander, en waarskynlik ook hulle uitgebreide gesinne. Dit is waarom dienslewering ineenstort. So 'n welsynstaat, waar 5 miljoen 50 miljoen ander moet onderhou, is eenvoudig nie bekostigbaar nie.
Vanaf die Polokwane-omwenteling, en veral met die inhuldiging van president Zuma, is dit duidelik dat die linkses en veral die vakverbonde die stert is wat die hond swaai. Die eerste stuk sosialisme wat daardie houtgeruste melkkoeie wat in ontkenning gaan tref, is op ons.
Dit is die voorgestelde Nasionale Gesondheidsversekering, die NGV. Daardie plan stel ten doel om aan almal, en vermoedelik ook die 10-15 miljoen onwettige immigrante, mediese sorg te verskaf, vir die rekening van die 5 miljoen melkkoeie. As die NGV jou nie bekommer nie, het jy hetsy nie 'n werk nie, is jy so ryk soos Bill Gates, of kan jy nie lees en skryf nie.
Die NGV se koste word op 'n addisionele 100 miljard rand (R100,000,000,000) beraam. Jy, as lid van die 5 miljoen melkkoeie wat wel persoonlike belasting betaal, sal daarvoor moet betaal. Hoe meer jy verdien, hoe meer sal jy moet opdok (lees die stuk in die skakel.)
Hoe gaan dit jou sak dus raak? Dis 'n eenvoudige som om te maak. Daar is slegs 5 miljoen betalers van persoonlike belasting. Elkeen van hulle sal gemiddeld R100,000,000,000/5,000,000 oftewel R20,000 per jaar meer moet opdok aan belasting. As jy en jou gade albei werk, sal jy met minstens R40,000 minder jaarliks moet klaarkom, sowat R3000 per maand minder.
Hier is egter die geneuk. Belasting is glo "progressief" (mooi woord vir diefstal, nie waar nie?) Hoe meer jy verdien, hoe meer betaal jy. Die verskil is beduidend: diegene op die topkerf van inkomste betaal sowat 20 maal meer aan belasting as diegene op laer kerwe. Diegene wat meer verdien, sal noodwendig beduidend meer as R20,000 per jaar moet betaal.
Is jy en jou gesin reg om elke jaar maklik R100,000 minder huistoe te vat? R12,000 per maand minder? Nie so gedink nie.
Jy kan agv 'n getalle-oorwig niks hieraan doen by die stembus nie. Wat gaan jy dus doen? Gaan jy emigreer? En as jy nie kan emigreer nie?
Wednesday, June 3, 2009
Geert Wilders oor Stockholmsindroom
Die omstrede Nederlandse politikus, Geert Wilders, het die knuppel weer eens in die hoenderhok gegooi. Wilders het voorheen 'n omstrede video, Fitna, gemaak, wat Islam as 'n gewelddadige politieke ideologie ipv 'n religie uitbeeld. Interessant genoeg is Wilders en sy party tans die gewildstes in Nederland, en is daar 'n sterk moontlikheid dat Wilders die volgende eerste minister van Nederland kan wees. Dinge is besig om te verander.
Dié keer is Wilders se teiken 'n Nederlandse joernalis, Joanie de Rijke, wat deur die "Taliban" (meer waarskynlik gewone kriminele) in Afghanistan ontvoer en herhaaldelik verkrag is. Nádat sy vrygelaat is, het sy die absurde uitlating gemaak dat haar verkragters nie monsters is nie, en haar "gerespekteer" het. Nie net het hulle haar "gerespekteer" nie, maar sommer ook tee en koekies aangebied. Hoe beskaafd van hulle...
Haar absurde uitlating is uiteraard 'n vorm van Stockholmsindroom, soos Geert Wilders uitgewys het. Stockholmsindroom is 'n kwaal van die liberale en die linkse, en veral van die selfaangestelde intellektuele van die spesie. 'n Kenmerk van Stockholmsindroom is dat die slagoffer begin om te glo dat sy aanvallers die eintlike slagoffers is; dat hulle optrede deur eksterne faktore en dikwels deur ander mense bepaal word. Die aanvallers word in die verwarde koppie van die slagoffer uiteindelik vir 'n kameraad aangesien.
Dis veral die geval by die linkse wat 'n aanhanger van die religie van nie-rassigheid is. In sulke gevalle beskou die lyer mense van ander groepe, buiten sy eie, as per definisie nie in staat tot boosheid nie. As die lyer aangeval word deur iemand van 'n ander bevolkingsgroep, sal die lyer se Stockholmsindroom hom dwing om die aanvaller se optrede aan mense wat soos die lyer lyk, se sogenaamde rassisme toe te skryf. Sodoende word die aanvaller in die gedagtes van die lyer onskuldig, en word die blaam verplaas op lede van die lyer se eie groep. Dis as't ware asof die slagoffer sy aanval verdien het, bloot omdat hy aan 'n bepaalde groep behoort.
Hulle sal byvoorbeeld by 'n linkse inbreek, sy besittings plunder, hom dik bliksem, maar dan sal hy die rampokkers hoog en laag teen die "wrede rassiste" verdedig wat die optrede veroordeel en vra waarom sekeres se misdaadkoers so buitensporig hoog is. Die misdadiger word op 'n vreemde wyse die slagoffer se mede-slagoffer, en die oorspronklike slagoffer verskuif die blaam vir die booswig se optrede na iemand anders.
In die vreemde, verwronge klein denkraamwerkie van die linkse, oa me De Rijke, word die krimineel die held, en word die linkse as slagoffer soos 'n mot na 'n kers, en selfs moontlik seksueel, aangetrek na die misdadiger.
Tuesday, June 2, 2009
Selfsugtige blanke ketter!
Me Forword het hierdie walglike daad van rassisme gepleeg tydens die opvoering van 'n stuk wat ten doel het om die evangelie van nie-rassigheid aan skoolkinders so jonk soos 8 te verkondig. Julle ken dit mos, daai evangelie. "Gaan dan heen, transformeer al die blankes, en doop hulle in die naam van Diversiteit, Politieke Korrektheid en Nie-Rassigheid."
Ja, ja, ek weet, vrouens het die reg om nee te sê, veral waar dit by die aanraking van hulle liggame kom. Geen reg is egter absoluut nie, veral nie waar dit met die religie van nie-rassigheid bots nie. Me Forword was kennelik ongemaklik daarmee om mnr Dyantyi oopmond te moet soen, ten aanskoue van jong skoolkindertjies, maar sy het in die proses en agv haar opperste blanke selfsug die belangrikheid van transformasie uit die oog verloor, en versuim om haar liggaamlike voorkeure ondergeskik aan die heiligste van die heiliges, nie-rassigheid, te stel.
Want sien, alles, en ek bedoel álles, is ondergeskik aan die groot god diversiteit en die proses van transformasie. Ook vrouens se reg om oor hulle eie liggaam te beskik, ja, selfs dit. As me Forword bloot geweier het om 'n blanke akteur te soen, en soos Vivien Leigh tydens die verfilming van Gone with the Wind gekla het dat Clark Gable se asem stink, was alles egter in orde, want beide Gable en Leigh was wit en dus laag op die voedselketting.
Me Forword se kettery, haar aartssonde teen die religie van nie-rassigheid, was gesetel in die feit dat haar slagoffer, mnr Dyatyi, 'n swarte was, en sy 'n blote witte. Dis asof 'n onaantasbare in Indië 'n magtige Brahman-priester te na gekom het.
Soos die regisseur, Leslie Ehrhardt, dit stel: "It's a horrible situation. It undermines what people did here in the 60s, 70s and 80s in using theatre to challenge apartheid. Racism isn't significant in South African theatre and we shouldn't be talking about it." Inderdaad. Haar misdaad, haar rassisme was so afstootlik, sulke kettery, dat dit taboe hoort te wees om eens daaroor te praat.
Ek voel Ehrhardt se pyn saam met hom. Dat 'n blanke vrou so selfsugtig kan wees met haar eie liggaam, dat sy in haar opperste rassisme durf nee sê, gaan waarlik die verstand te bowe.
Wednesday, May 20, 2009
Helen Zille en Cheeky Watson is tragiese figure
Ek vind haar 'n tragiese figuur – die blanke, Engelse liberaal met onkreukbare "struggle credentials" wat kennelik vandag moet wonder wat sy nóg moes doen tydens die jare van die Struggle, gegewe hoe sy deesdae verguis word.
Zille is inderdaad van gemengde Joods-Duitse afkoms. Mens kan dit veral sien wanneer sy probeer toyi-toyi... Zille was onder andere 'n joernalis wat vir die Rand Daily Mail gewerk het. Dié linkse koerant was bekend vir sy opposisie teen die vorige bedeling. Soms het die redaksie groot dele van die koerant se inhoud agter blokke swart ink verberg, in protes teen die sensors.
Terwyl sy vir die Rand Daily Mail gewerk het, was dit sy wat die besonderhede van Steve Biko se dood in polisie-aanhouding rugbaar gemaak het.
Zille was ook 'n lid van die Black Sash. Die Black Sash is destyds deur die NP as die "Weeping Winnies" bestempel, en is so genoem omdat hulle swart bande gedra het as 'n teken van protes teen wat hulle bestempel het as die verkragting van die destydse grondwet. Hulle het protes aangeteken teen oa die paswette.
Linkser as dit vir 'n blanke kon jy dus nie maklik kry nie, buiten miskien vir iemand soos Cheeky Watson, wat só gatgekruip het dat hy en sy seun, Puke, glad tot ereswartes verklaar is. Zille is, in terme van linkse ideologie, die Watsons se bloedsuster.
Die tragiek van die Engelse linkse, die Zilles en Cheeky Watsons van die lewe, is egter hulle naïwiteit. Ek is oortuig daarvan dat Zille die haatveldtog wat onder andere op Facebook teen haar gevoer word, onbegrypend gade slaan. Weer eens: onder al die blankes moes iemand soos Zille of Watson immers vir 'n held aangesien word in die swart gemeenskap, nie waar nie? Hoe kan hulle haar, van alle mense, dan as 'n rassis wil uitkryt?
Soos Nadine Gordimer besef het, neem omgekeerde rassisme egter nie die aansiens des persoons in ag nie. Die dag as Oehoeroe kom, gaan die metaforiese draer van die panga nie vir jou vra wat was jou oortuigings in die dae van apartheid nie. Wat Helen Zille, sekerlik 'n besonder intelligente vrou, toenemend moet besef is dat haar velkleur haar uniform is. Dit, en nie haar linkse verlede nie, is waaraan sy geken sal word in Afrika. Dit herinner nogal aan die NGK se leer van vooruitbestemming. Maak nie saak watter sonde jy pleeg nie, daar is lank reeds vooruit bestem of jy warmplek of hemel toe gaan. Maak nie saak hoe links jy dink jy is nie, jy is vooraf bestem om altyd 'n mhlungu te bly.
Ek voorspel dat Zille, wanneer sy die tuig as leier van die DA neerlê, aan die hoof sal staan van 'n party wat sy hoogtepunt in 2009 bereik het, en sedert daardie verkiesing stadig agteruit geboer het soos die blanke bevolking gekrimp het en die Xhosas die Weskaap mettertyd demografies beset het. By my ly dit geen twyfel dat Zille, "struggle-credentials" en al, op die ouetehuis se stoep sal sit en wonder hoe sy so naïef kon wees om haar te verbeel dat die meerderheid ooit vir 'n party met 'n wit vrou as leier sou stem.
Afrikaners het nie Jonathan Jansen as Messias nodig nie
Vir iemand wat glo Engelstalig is en veral iemand wat so gereeld kritiek teen Afrikaners lewer, is dit kennelik vreemde werkgewerskeuses. Veral as mens Jansen se obsessie met gewaande blanke rassisme in ag neem, sou mens redelikerwys kon verwag dat hy eerder sy beroep by een van die legio swart of Engelstalige universiteite in Suid-Afrika en inderdaad die res van Afrika sou beoefen, so ver weg as wat hy maar kon van daardie rassistiese Afrikaners.
Nietemin kan mens leidrade vir sy motiewe uit Jansen se rubriek in Beeld van 20 Mei 2009 verkry. Sy gunstelingonderwerp, sogenaamde blanke rassisme en aggressie, is weereens in sy visier. Dié ongeloofwaardige rubriek handel oor 'n onwaarskynlike voorval: 'n blanke "rassis" wat glo woedend in Jansen se kantoor op hom gewag het, nádat Jansen eerstejaarstudente by "sy" universiteit verwelkom het.
(Jóú universiteit, prof Jansen? Bedoel u nie die voormalige Afrikaneruniversiteit, voorheen bekend as die Transvaalse Universiteitskollege nie? Bedoel u nie die studente, en veral die belastingbetaler se universiteit nie, waar u as Engelssprekende kwotalid van die personeel aangestel is en bo Afrikaanssprekende akademici op grond van u velkleur bevorder is?)
Alhoewel Jansen hoog opgee oor die sogenaamde blanke rassis se aggressie, erken hy self in die rubriek dat hy wat Jansen is op 'n lekker aggressiewe manier teenoor die "blanke rassis" opgetree het. Soos 'n wafferse, vingerswaaiende PW Botha wys die brulpadda-agtige Jansen toe glo vir die "rassis" wie's eintlik baas. Ek haal aan uit die rubriek: "Ek staan uit my stoel op, wys my vinger na hom en sê: 'Luister hier, dit is my kantoor hierdie, en in my kantoor sê ek jou wat om te doen. So, sit of loop hier uit.'"
Daar's hy. Nou is die rangorde gevestig. Jansen, die grootmeneer kwota-akademikus, het 'n blote student se ouer (m.a.w. iemand wat Jansen se salaris betaal) goed op sy plek gesit. Volgens Jansen het dit die "rassis" onmiddellik so mak soos 'n lammetjie gemaak en daar begin die man jou wrintiewaar sommer huil en bieg hy is 'n rassis. Hy bedank toe skoon vir Jansen dat Jansen sy dogter so tuis laat voel het by Jansen se universiteit.
Ek is jammer, maar Jansen se storie gaan eenvoudig nie op nie. 'n Persoon wat Jansen sou bedank vir die groot lig wat Jansen vir hom laat opgaan het, sou immers nie kwaad gewees het nie, sou hy? Moontlik het Jansen, wat homself klaarblyklik as 'n soort Jesusfiguur sien wat Afrikaners van ons "sondes" moet verlos, dié verhaal eerder as 'n gelykenis bedoel.
In die res van die rubriek spekuleer Jansen oor die aard van blankes se aggressie, wat volgens hom as rassisme tot uiting kom. As aggressie teenoor ander rassegroepe op rassisme dui, wonder ek wat Jansen dan sou maak van die sowat 45 000 blankes wat reeds sedert 1994 vermoor is, en 90 000 blanke vrouens wat verkrag is, bykans almal slagoffers van lede van ander rassegroepe?
Is bogenoemde dan nie ekstreme vorme van rassistiese aggressie nie, prof Jansen? Die sogenaamde rassis wat u so goed gewys het wie's eintlik baas, het u immers geen fisieke leed aangedoen nie. Moord en verkragting, daarenteen, is ernstige misdade wat meer as metofiese geweld behels. Waar is u rubriek wat te velde trek teen daardie vorm van rassisme?
Op moedswillige wyse "wonder" Jansen voorts wat skuil agter die blanke Afrikanerman se sogenaamde aggressie. Hmmm... dis nou vir jou 'n moeilike vraag. Totaal en al onverklaarbaar.
Of moontlik nie.
Probeer Jansen waaragtig voorgee hy is nie bewus is aan die skreiende diskriminasie wat blanke mans dag vir dag moet ervaar nie? U weet, prof Jansen, soos die VF+ se verkiesingsplakkate lui: "Te wit vir 'n werk?" Kan dít deel van die verklaring uitmaak?
Indien nie dit nie, hoe klink tienduisende dooie familielede, deur ander rassegroepe vermoor vir u as 'n regverdiging vir blanke mans se sogenaamde aggressie?
Of wat van die magteloosheid wat blanke mans ervaar, nádat ons deur ons eie sogenaamde leiers by Kodesa uitverkoop is, in 'n stuk volksverraad wat 'n halsmisdaad hoort te wees? Kan blanke aggressie iets te make hê met die gevolglike verlies aan enige vermoë om oor ons eie lot te beskik en ons uitlewering aan die dwingelandy van die vreemde massa en die Engelse geldmagte?
Ek verstout my om te sê dat Afrikanermans nóg in u amateuragtigtige poging tot psigoanalise, nóg in u leedvermakerige kwotabaasskap oor Afrikaners belangstel, prof Jansen. Daar is genoeg maatskaplike, opvoedkundige en ander probleme in u eie gemeenskap, die bruinmense, wat u voltyds kan besighou. Afrikaners het nie 'n Messias, en veral nie iemand soos u, se redding nodig nie.
Saturday, May 16, 2009
Wat vir 'n kreatuur is 'n "Afrikaanse"?
Op 'n heel voorspelbare wyse was dit 'n kwessie van tyd voordat ook Rapport sy mening oor Pieter Mulder gelug het. Lizel Steenkamp het toe nie teleurgestel nie. In bogenoemde rubriek besig me Steenkamp opnuut die standaard, vervelige Nasperspropaganda oor die Nuwe!, Verbeterde! Suid-Afrika. Mens kan die propaganda in haar stuk met veiligheid ignoreer. Wat interessanter is, is haar woordkeuses wanneer sy na Afrikaners verwys. Sy verseg weliswaar om die woord Afrikaner te gebruik, maar erken tog implisiet dat "wit Afrikaanses" (sic) 'n afsonderlike groep is. Snaaks hoe sy dit nodig vind om die byvoeglike naamwoord "wit" vooraan die term "Afrikaanse" te plaas, nie waar nie? Ek het die heeltyd onder die illusie verkeer dat 'n "Afrikaanse" juis deur verveelde Kaapse linkses en werknemers van Naspers bedink is juis om te dui op 'n imaginêre nuwe groep of volk in Suid-Afrika, 'n mengelmoes van Afrikaner, Boer, bruin, wit, Christen en Moslem, wat volgens Ton Vosloo-hulle se wensdenkery eintlik dieselfde spesie diere sou wees. Waarom vind me Steenkamp dit dus nodig om 'n term wat ontwerp is juis om 'n bepaalde linkse ideologie op Afrikaners af te dwing, en juis ten doel het om voor te gee dat daar 'n homogene groep Afrikaanssprekendes in die land is, te moet kwalifiseer met die woord "wit"? Sy is klaarblyklik onbewus van die ideologiese teenstrydigheid wat sy sodoende neergepen het. Haar eie woorde ondermyn dus haar ideologiese standpunt. Buiten vir Naspers se publikasies en wensdenkery, is die term Afrikaanse uiteraard 'n klaaglike mislukking. Miskien ken ek nie die regte mense nie of word ek nie na die regte klas van partytjies genooi nie, maar ek weet nie van een persoon, wit of bruin, wat homself 'n "Afrikaanse" noem nie, buiten natuurlik wanneer ek lees wat Naspersjoernaliste soos me Steenkamp skryf. Ek ken wel mense wat hulself Afrikaners, bruinmense of Boere sou noem, sonder dat dit nodig is om 'n toutologie te pleeg deur na hulself as "wit Boere" te wil verwys. |
Die ontkenning van kulturele realiteite is politieke selfmoord
Beide Botoxzilla se aanval op Zuma, asook die Engelse pers se histeriese veroordeling van die ANCYL se aanvalle op haar, spreek egter slegs weer eens van een ding: die Engelse liberaal verstaan nou maar eenmaal nie hoe werk dinge in Afrika nie. Die Soutsakpienke dink dat, deur bloot ‘n liberale grondwet in te stel wat aan almal, maar veral swart lesbiërs in rolstoele, gelykheid wil belowe, derduisende jare se kulturele ingesteldheid ongedaan gemaak sal word. Dié misverstand is nie beperk tot blanke Soutsakke nie.
Ook daardie swart Engelsman, Thabo Mbeki, hy wat in Engeland opgelei is en daar “gely” het in exile, het nie die eerste benul gehad van hoe die meerderheid van sy kiesers se koppe werk nie. Mbeki het dit naamlik openlik voorgestaan dat die volgende president ‘n swart vrou moet wees, die oorgewig en onbekwame sousvliegtuig-passasier, Phumzile Mlambo-Nguka.Dié wanbegrip by Mbeki oor hoe die meerderheid van sy kiesers se kulturele ingesteldheid funksioneer, moes regsteeks bygedra het tot sy ontsetting in Polokwane, want die party het sy geklike idees, o.a. oor ‘n vroulike leier (bid jou aan!), oortuigend verwerp.
Want sien, ‘n vroulike stamleier is ‘n skaars ding in Afrika. Sjaka, Dingaan en Mzilikazi was beslis nié vrouens nie. Nee, dié konings se veelvuldige vrouens was inteendeel baie beslis tweedeklasburgers vergeleke met die sterkman homself. Dit was insgelyks eers onlangs dat die eerste Afrikaland ‘n vroulike staatshoof gekry het – Ellen Johnson-Sirleaf van Liberië.Al het die ANC ‘n paar vroulike ministers en provinsiale premiers, sou dit ‘n groot fout wees om geld te verwed dat Zuma se opvolger ‘n vrou gaan wees.
Mense wat Zuma se populistiese gewildheid onverklaarbaar vind, verstaan eweneens ook nie dat Zuma se lewensstyl, met sy koninklike kraal en horde vrouens en kinders juis bydra tot hierdie gewildheid nie. Die (ongesofistikeerde) swart kieser sien nie vir Zuma nie, hy sien vir Sjaka.Botoxzilla se fout was nie om die feitelike waarheid oor Zuma te praat nie – sy was weliswaar reg dat hy sy vrouens aan vigs kan blootstel (of hulle hóm miskien...)
Haar Engels-liberale politieke naïwiteit was eerder haar groot fout. Sy staan aan die hoof van ‘n politieke party wat baie graag swart steun wil verkry, maar sy verstaan eenvoudig nie dat uitlatings soos hare oor Zuma, sy as ‘n blote vrou (in die kop van die swart kiesers) wat die sterkman van die stam beledig, veel, veel erger is as om Zuma, die k-woord te sou toegesnou het.In politieke terme is Botoxzilla, gemeet aan Zuma, en ook ander Engelse liberales in Afrika, dus ‘n baba en 'n gestremde een boonop.
Zuma mag korrupsie gepleeg het (nes waarskynlik al die ander senior ANC-lede), maar sy politieke intelligense oortref enige huidige blanke politikus s'n. Hy het suksesvol uitgereik na Afrikaners, maar Botoxzilla se swak-deurdagte en uiters-onnosel uitlatings oor Zuma daarenteen, of dit nou feitelik waar is of nie, het slegs gedien om swartes te vervreem. Botoxzilla en haar mede-pienkes het nog baie te leer hoe dinge in Afrika werk.
Sy en haar party gaan egter nie daardie geleentheid kry nie. Haar aanval op Zuma was wat sy in haar taal sou noem "a career-killing move." Dis DA sal nou, meer as voorheen, nooit enige noemenswaardige swart steun kan bekom nie, omdat die Engelse liberaal onbegrypend poog om die swart kieser en kultuur aan sy eie standaarde te wil meet.
Saturday, May 9, 2009
'n Fuero vir Afrikaners
Die Spaanse term fuero is afgelei uit die Latynse woord "forum", wat beteken mark of vergaderplek. Die woord het sy oorsprong in die middeleeue. Sekere dele van Spanje, byvoorbeeld, was wel deel van die Spaanse koninkryk, maar was nie ten volle geïntegreerd met die Spaanse koninkryk nie, en het 'n mate van outonomiteit geniet. 'n Fuero is tydens die middeleeue deur die landheer of die koning aan 'n groep of gebied gegee, met dien verstande dat alhoewel die groep of stam hul eie wette kon maak en oor hulself kon regeer, hulle tog die gesag van hetsy die koning, hetsy die landheer sou erken. 'n Goeie voorbeeld van 'n fuero in die geskiedenis was die Katolieke Kerk in die middeleeue. Alhoewel amptenare van die kerk die gesag van die plaaslike koning erken het, het hulle nie belasting aan die koning betaal nie, maar eerder aan Rome. Hulle was insgelyks nie onderworpe aan die gewone regspleging van die koninkryk nie. Priesters sou deur 'n kerklike hof verhoor word, en nie deur 'n gewone siviele hof nie. Die mees bekende hedendaagse fuero is die Baske se streek in noordelike Spanje. Die Baske sien hulle fuero as iets soortgelyk aan 'n grondwet, wat die Spaanse grondwet deels vervang. Die Baske het hul eie polisiemag. Hulle sien om na hulle eie openbare finansies, met min of geen inmenging van die Spaanse regering nie. Ek stel 'n soortgelyke bedeling vir Afrikaners in die vooruitsig. (Om die onafwendbare vraag van meet af aan te beantwoord: Afrikaners is Afrikaanssprekende afstammelinge van Europese setlaars, wat nie tans kwalifiseer as agtergeblewenes in terme van die Mzansi-staat se bemagtigings- en arbeidspraktyke nie.) Mzansi is die Xhosaterm vir "Suid-Afrika." Alhoewel daar wel geografiese gebiede is waarin daar groot konsentrasies Afrikaners voorkom – Pretoria en omstreke is een - is my voorstel dat dit vir alle Afrikaners, ongeag hulle woonplek, ook emigrante, moet geld. Die rol van blanke Engelse is 'n onderwerp vir 'n hele ander debat, maar my mening is dat hulle 'n eenmalige geleentheid gegun behoort te word om hulle by Afrikaners te skaar, maar met dien verstande dat hulle bereid sal wees om onderworpe te wees aan owerheidsgesag, wat in slegs Afrikaans bedryf sal word. Kennelik is daar diegene in die Engelse gemeenskap, inwoners van Houghton moontlik, wat nie sal wil deelneem nie, maar dit is hul eie keuse. Soortgelyk aan die Baskiese model, moet Afrikaners die grootste deel van ons belasting aan ons eie owerheid betaal, en nie aan die Mzansi-regering nie. Daar is kennelik gedeelde dienste en belange, wat Afrikaners en die Mzansi-regering sal deel, waarvoor Afrikaners hul deel sal moet bydra, byvoorbeeld die oprigting van kragsentrales. Die befondsing hiervoor behoort myns insiens te geskied dmv pro-rata oorbetalings van belastinggeld deur die Afrikanerowerheid, in verhouding met die persentasie van Afrikaners in die groter Mzansi-bevolking. Daar is egter ander staatsfunksies, onder andere onderwys, handel en nywerheid, veiligheidsdienste, mediese sorg, sosiale dienste, regspleging en andere wat volksspesifiek behoort te wees, en wat volledig befonds moet word deur Afrikaners, en deur Afrikaners bedryf moet word, sonder enige inmenging van die Mzansi-regering. Afrikaners sal ook die bevoegdheid moet opeis om ons eie geldeenheid uit te reik, of moontlik om iets soos die Euro aan te neem as ons geldeenheid. Ook is dit belangrik om ooreen te kom oor afgebakende Afrikanergebiede, weer eens Pretoria-Oos onder andere, waaroor die Afrikanerowerheid seggenskap en jurisdiksie sal hê. Die Afrikanerowerheid se polisiemag moet byvoorbeeld die reg hê om inwoners van Mzansi wat hulle aan misdaad skuldig maak binne afgebakende gebiede, te arresteer. Die Afrikaner-owerheid moet deur Afrikaners verkies word, in terme van 'n toepaslike kiesstelsel, wat na my mening partypolitieke mededinging moet insluit. Sou die VF+ 'n verkiesing onder slegs Afrikaners kon wen, wonder ek? Die voor-die-hand-liggende vraag word nou: watter insentief is daar vir Mzansi ANC-regering om toe te stem tot só 'n bedeling vir Afrikaners? Daar is verskeie faktore wat hierin 'n rol kan speel. Een voordeel is dat die voortslepende omstredenheid oor regstellende aksie en swart bemagtiging bykans onmiddelik gestuit sal word. Dit sal nie meer nodig wees om regstellende aksie-praktyke in Mzansi se staatsdiens of privaatmaatskappye toe te pas nie, siende dat Afrikaners ons eie staatsdiens sal hê, en dat Afrikanermaatskappy by die Afrikanerowerheid se Registrateur van Maatskappye geregistreer sal wees. Dit staan die Mzansi-regering dus vry om 100% van alle poste in sy staatsdiens en maatskappye aan nie-Afrikaners te oorhandig. Nog een is dat dit duidelik is aan almal behalwe die mees hallusinerende Afro-optimis dat Mzansi alreeds in 'n doodsspiraal is. Dienslewering en infrastruktuur verkrummel teen 'n versnellende tempo. Dit alles dui daarop dat die ANC-staat se kapasiteit om die land te regeer, vinnig besig is om in duie te stort. 'n Kenmerk van baie Afrikastate is dat regeringsdienste geprivatiseer word, iets wat toenemend in Suid-Afrika gebeur. Skole, veiligheid en mediese sorg word toenemend privaat befonds, omdat die regering dit eenvoudig nie meer kan bied nie. Indien Afrikaners dus nie langs onderhandele weë oor hulself gaan regeer nie, maw iets wat lei tot 'n de-jure owerheid nie, sal daar in die toekoms in ieder geval 'n de-facto owerheid ontstaan, waarvolgens Afrikaners in hul privaathoedanigheid sal moet ingryp om die staat se funksies oor te neem. Net soos die semi-onafhanklike stamme of gebiede in ruil vir hulle fuero die landheer of koning se gesag erken het, stel ek dus in die vooruitsig dat Afrikaners die Mzansi-regering van die dag, tans die ANC, se gesag erken om oor die landstreek Suid-Afrika, oftewel Mzansi, te regeer. Dié ooreenkoms hoort myns insiens ook verder te gaan. 'n Reuseprobleem waarmee die ANC-bewind tans sit, is dat die onregverdige voordeel wat regstellende aksie en SEB bied, baie gewild is onder sy swart kiesers. Hy word dus gedwing om onbevoegde indiwidue aan te stel in sleutelposisies, veral in die staatsdiens, wat bydra tot die versnellende verval van Mzansi. Na my mening behoort die Mzansi-regering dus van sy staatsfunksies en –verpligtinge na die Afrikanerowerheid se staatsdiens uit te kontrakteer, of in Engels te "outsource." Laat die bestuur van veral infrastruktuur oor aan Afrikanerkundigheid, sodat die Afrikanerowerheid ten bate van beide Afrikaners en die inwoners van Mzansi kan omsien na onder andere die elektrisiteits-, pad- en waterinfrastruktuur. Sodoende behou die Mzansi-regering sy gewilde beleidsrigtings – hy kan 100% van die Mzansi-staatsdiens verswart – maar nietemin word die dienslewering aan sy eie onderdane aansienlik verbeter, en hoef Mzansi nie nog 'n gefaalde Afrikaland te word nie. Weer eens: beide Afrikaners en die res van die inwoners van Mzansi word hierdeur bevoordeel. Ter opsomming: 'n fuero, oftewel 'n eie owerheid, vir Afrikaners sal heelwat probleme vir Afrikaners oplos – misdaad, regstellende aksie, belasting wat nie op ons belange spandeer moet word nie en andere. Dis insgelyks 'n vorm van selfbeskikking, alhoewel dit (nog) nie volkome territoriale onafhanklikheid verteenwoordig nie. Dit bied ook voordele aan die Mzansi-regering, siende dat Afrikaners met die mag om oor onsself te beskik, waardevolle en produktiewe vennote in Mzansi se ontwikkeling en bestuur kan word. Waarvoor wag ons? |
Posts
